Cyfieithu Cymru, Darllen y Byd
Cronfa Gyfieithu
Grantiau cyfieithu Cyfnewidfa Lên Cymru i gyhoeddwyr
Pwy sydd â'r hawl i ymgeisio?
Mae grantiau cyhoeddi'r Gyfnewidfa ar gael i gyhoeddwyr tramor er cyfieithu llenyddiaeth Gymraeg a Saesneg Cymru.
Gall cyhoeddwyr yn y Deyrnas Unedig wneud cais ar gyfer cyfieithu llyfrau Cymraeg i'r Saesneg.
Pryd mae ceisiadau yn cael eu trafod?
Mae pedwar dyddiad cau: 1af o Fawrth; 1af o Fehefin; 1af o Fedi; 1af o Ragfyr.
Sut mae ceisiadau yn cael eu hasesu?
Mae pob cais yn cael ei asesu gan banel grantiau'r Gyfnewidfa. Mae sampl o waith y cyfieithydd yn cael ei asesu gan ddarllenydd allanol lle bo angen (os nad yw'r Gyfnewidfa yn gyfarwydd â gwaith y cyfieithydd, er enghraifft).
Pa gymorth ariannol sydd ar gael?
Hyd at 100% o dâl y cyfieithydd.
Sut mae ymgeisio?
Dadlwythwch y ffurflen gais, os gwelwch yn dda, ac wedi ei llenwi, ei hanfon at Catrin Ashton, catrin@cyfnewidfalen.org.
Mae croeso i chi gysylltu â'r Gyfnewidfa os bydd unrhyw gwestiynau gennych am lenyddiaeth Cymru yn gyffredinol, neu os am drafod eich prosiect cyfieithu. Byddwn yn falch os gallwn fod o gymorth.
Pryd mae'r grant yn cael ei dalu?
Telir y grant i'r cyhoeddwr wedi i'r Gyfnewidfa dderbyn chwe chopi cyfarch o'r cyfieithiad cyhoeddiedig yn ogystal â thystiolaeth fod y cyfieithydd wedi ei dalu yn ôl amodau'r cytundeb. Mae hawl gan y Gyfnewidfa i beidio â thalu'r grant os na chyflawnwyd amodau'r cytundeb.
Amodau
Caiff y grant cyfieithu ei dalu yn ei grwnswth ar ôl i'r cyhoeddwyr gyflawni'r amodau canlynol:
- Ni ellir dyfarnu grant yn ôl-syllol;
- Rhoddir grantiau at gostau cyfieithu yn unig, nid at gostau cynhyrchu;
- Rhaid cyhoeddi'r canlynol, ynghyd â logo'r Gyfnewidfa, ar un o dudalennau cyntaf pob argraffiad: 'Cyhoeddwyd â chymorth ariannol Cyfnewidfa Lên Cymru / Published with the financial support of Wales Literature Exchange';
- Rhaid argraffu enw'r cyfieithydd yn glir naill ai ar glawr neu ar dudalennau cyntaf y llyfr;
- Rhaid anfon prawf fod y cyfieithydd wedi ei dalu yn ôl manylion y cytundeb a ddarparwyd gyda'r cais am grant cyfieithu;
- Rhaid anfon chwe chopi cyfarch at y Gyfnewidfa.
- Lle bo enwau, geiriau neu ymadroddion Cymraeg yn ymddangos yn y cyfieithiad, cyfrifoldeb y cyhoeddwr yw gwneud yn siwr eu bod wedi eu sillafu yn gywir;
- Cyfrifoldeb y cyhoeddwr yw gwneud yn siwr fod y llyfr wedi ei gynhyrchu a'i ddylunio i safon dderbyniol.
- Rhaid cyhoeddi'r llyfr o fewn 30 mis i ddyddiad dyfarnu'r grant cyfieithu.
Y Diweddaraf
David Toop on Rhodri Davies
"All musical instruments come with baggage. In fact they are baggage – objects of surrealist furniture that ...mwy
Gimbal – the interactive literary iPhone app
Literature Across Frontiers and Comma Press launch a new iPhone application.
Gimbal offers a new way of ...mwy