Patrick McGuinness

McGuinness, Patrick

Ganed Patrick McGuinness yn Nhiwnisia yn 1968. Fe'i magwyd yng Ngwlad Belg, Iran ac Iwerddon. Mae bellach yn byw yng Nghaernarfon.

Yn 1998 enillodd wobr Eric Gregory Y Gymdeithas Awduron, ac yn 2001 y wobr Levinson gan y Poetry Foundation. Cafodd ei gyfrol gyntaf o farddoniaeth, The Canals of Mars (Carcanet, 2004) ei dewis ar gyfer rhestr fer Gwobr Roland Mathias. Enillodd ei lyfryn o gerddi, 19th Century Blues (Smith/Doorstop) wobr Poetry Business 2006. Dewiswyd ei gasgliad diweddaraf o farddoniaeth, Jilted City (Carcanet, 2010) gan y Poetry Book Society fel un o'u hargymhellion.

Cyhoeddwyd ei nofel gyntaf, The Last Hundred Days (Seren) yn 2011 ac fe'i dewiswyd ar gyfer rhestr hir gwobr Man Booker 2011 ac enillodd wobr Llyfr y Flwyddyn 2012. Wedi ei gosod yn ystod dyddiau olaf Ceaucescu mewn pŵer, mae'r stori'n cael ei hadrodd gan fyfyriwr Saesneg sy'n cyrraedd Bwcarest ar gyfer swydd na fu iddo erioed wneud cais amdani, ac mae'n archwilio byd peryglus - byd o ormes a llygredd.

Mae ei gyfrolau academaidd yn cynnwys Maurice Maeterlinck and the Making of Modern Theatre (OUP, 2000), Symbolism, Decadence and the fin de siècle (University of Exeter Press, 2000), ac mae wedi golygu Against Nature gan J-K Huysmans a TE Hulme, Selected Writings ar gyfer Penguin Classics a Carcanet. Mae ei gyfrol mewn Ffrangeg, Anthologie de la Poésie symboliste et décadente, wedi ei chyhoeddi gan Les Belles Lettres (Paris, 2001). Mae'n gymrawd Coleg Santes Ann, Rhydychen, lle mae'n Athro yn yr Adran Ieithoedd Modern.

Enillodd ei gyfrol Other People's Countries: A Journey into Memory (Jonathan Cape, 2014) wobr Saesneg Llyfr y Flwyddyn yn 2015.