Deryn Rees-Jones

Rees-Jones, Deryn

Mae Deryn Rees-Jones yn fardd, yn olygydd ac yn feirniad llenyddol. Cyrhaeddodd The Memory Tray (Seren, 1995) restr y Forward Prize for Best First Collection. Mae ei chyfrolau eraill yn cynnwys Signs Round a Dead Body (Seren, 1998), Quiver (Seren, 2004), a chyfrol feirniadol, Consorting with Angels (Bloodaxe, 2005), a gyhoeddwyd ochr yn ochr â'i blodeugerdd Modern Women Poets (Bloodaxe, 2005).

Yn 2004 fe’i dewiswyd yn un o ddeg bardd pwysicaf y degawd gan Mslexia ac yn 2010 enillodd wobr Cholmondeley. Argymhellwyd ei chasgliad Burying the Wren (Seren, 2012) gan y Poetry Book Society, a chyrhaeddodd rhestr fer Gwobr TS Eliot a llyfr y flwyddyn Times Literary Supplement. Fe’i dewiswyd hefyd ar gyfer Silff Lyfrau’r Gyfnewidfa yn 2012.

Yn cydweithio’n rheolaidd gydag artistiaid cyfoes, mae ei gwaith And You, Helen (Seren, 2014) ar ffurf llyfr a cherdd animeiddiedig a wnaed gyda’r artist Charlotte Hodes am wraig a gweddw’r bardd Edward Thomas.

Yn ddiweddar mae hi wedi troi at ysgrifennu am gelf, a chyhoeddwyd ei llyfr am yr arlunydd Portiwgaleg, Paula Rego: The Art of Story, yn ddiweddar gan Thames & Hudson. Cyhoeddwyd casgliad o’i cherddi, What It's Like to Be Alive, yn 2016. Cyhoeddwyd ei chasgliad newydd o gerddi, Erato, yn 2019. Roedd yn argymhelliad gan Poetry Book Society, ac fe’i dewiswyd ar gyfer Silff Lyfrau 2019.

Mae ei harddangosfa o destun a delwedd, The Errant Muse, gyda'r artist Charlotte Hodes, i'w gweld ar hyn o bryd yn Oriel ac Amgueddfa Victoria, Lerpwl o ganol mis Tachwedd tan ddiwedd mis Mawrth.

Mae hi'n Athro Barddoniaeth ym Mhrifysgol Lerpwl.