01 Tachwedd 2021
Mae’n bleser gennym gyhoeddi ein Silff Lyfrau ar gyfer 2021-22, sef detholiad o lenyddiaeth gan awduron o Gymru a argymhellir gan y Gyfnewidfa i gyhoeddwyr ar gyfer cyhoeddi mewn cyfieithiad.
Yn ôl ein harfer, cyhoeddwyd y Silff Lyfrau yn Ffair Lyfrau Frankfurt. Y Silff Lyfrau yw prif ffocws ein presenoldeb mewn ffeiriau llyfrau, pan fydd aelodau o’n tîm yn cyfarfod â chyhoeddwyr i hyrwyddo’r llyfrau a’r awduron a detholwyd i’r Silff, ynghyd â’n Cronfa Grantiau Cyfieithu, sydd ar gael i gyhoeddwyr i gefnogi’r costau cyfieithu wrth gyhoeddi llenyddiaeth o Gymru.
Eleni, detholwyd deunaw cyfrol i'r Silff Lyfrau, pob un yn fyd ynddo’i hun.
Bydd pob un cyfrol yn cael ei hyrwyddo gan Gyfnewidfa Lên Cymru yn ystod ein gweithgareddau rhyngwladol yn ystod y flwyddyn sydd i ddod, gan gynnwys ein gweithgareddau mewn ffeiriau llyfrau, gwyliau llenyddol a chyfarfodydd gyda chyhoeddwyr.