Rachel Trezise

Trezise, Rachel

Ganwyd Rachel Trezise yng Nghwm Rhondda ym 1978. Astudiodd ym Mhrifysgol Morgannwg ac yn Limerick, Iwerddon. Roedd ei nofel gyntaf In and Out of the Goldfish Bowl (Parthian, 2000) yn un o enillwyr gwobr Orange Future Awards yn 2001. Yn 2002 fe'i gwahoddwyd i deithio i nifer o wyliau llenyddol yn Ewrop fel rhan o'r prosiect Scritture Giovani sy'n cyflwyno cenhedlaeth newydd o awduron Ewropeaidd.

Yn 2006 enillodd wobr Dylan Thomas am ei chasgliad Fresh Apples. Y wobr hon yw’r wobr lenyddol fwyaf yn y DU ar gyfer llenorion dan 30 mlwydd oed sy’n ysgrifennu yn Saesneg unrhyw le yn y byd.

Mae ei chyhoeddiadau eraill yn cynnwys:

  • Dial M for Merthyr (2007)
  • Sixteen Shades of Crazy (Nofel, Blue Door, 2010).
  • Cosmic Latte (casgliad o straeon byrion, Parthian, 2013), a enillodd wobr ‘Edge Hill Prize Readers’ yn 2014.

Mae Rachel Trezise hefyd yn ddramodydd ac mae rhai o'i gweithiau yn cynnwys:

  • I Sing of a Maiden (theatr, 2007)
  • Lemon Meringue Pie (Radio 4, 2008)
  • Tonypandemonium (National Theatre Wales, 2013) – enillodd wobr ‘Theatre Critics of Wales’ am y cynhyrchiad gorau.
  • We’re Still Here (National Theatre Wales, 2017)
  • Cotton Fingers (National Theatre Wales, 2019). Fe’i dewiswyd gan ‘The Stage’ fel un o sioeau gorau gŵyl Edinburgh Fringe 2019, a derbyniodd Wobr Summerhall Lustrum.

Ailgyhoeddwyd ei nofel gyntaf yn ddiweddar yn rhan o gyfres Llyfrgell Cymru, prosiect sy’n ailgyhoeddi llenyddiaeth Gymreig glasurol yn Saesneg.

Cyfieithwyd ei gwaith i nifer o ieithoedd, yn cynnwys y Serbeg, Eidaleg a Daneg yn ddiweddar.