Mae Sioned Erin Hughes yn awdur, ymarferydd creadigol a golygydd Cymreig, sy'n gweithio fel cydlynydd i Barddas. Enillodd Fedal Ryddiaith yr Eisteddfod Genedlaethol gyda'i chasgliad o straeon byrion Rhyngom (Y Lolfa, 2022), cyhoeddodd O'r Rhuddin - 365 o fyfyrdodau mewn blwyddyn (Y Lolfa, 2024) a bydd ei hail gyfrol o farddoniaeth yn cael ei chyhoeddi gan Barddas ym mis Hydref 2025.

Ynghyd â Bethany Handley a Megan Angharad Hunter mae hi'n gyd-olygydd ar y gyfrol Beyond/Tu Hwnt (Lucent Dreaming 2024), casgliad o straeon gan ystod eang o awduron Anabl a Byddar o Gymru.