Mae Cyfnewidfa Lên Cymru yn edrych ymlaen i groesawu dwy o feirdd mwyaf cyffrous a di-flewyn-ar-dafod yr India i Aberystwyth ar gyfer dau ddigwyddiad arbennig drefnir gan ein chwaer sefydliad Llenyddiaeth Ar Draws Ffiniau mewn cydweithrediad a’r Ganolfan Ymchwil Cyfieithu Diwylliannol ym Mhrifysgol Aberystwyth.

Mae Meena Kandasamy yn fardd, awdur, ymgyrchydd a chyfieithydd sy’n canolbwyntio’n bennaf ar ddileu’r drefn cast, hunaniaeth ieithyddol a ffeministiaeth. Mae Mamta Sagar yn fardd a dramodydd sy’n ysgrifennu yn Kannada.

Bydd cyfle arbennig i glywed y ddwy mewn dau ddigwyddiad arbennig:

Barddoniaeth newydd o’r India: Meena Kandasamy a Mamta Sagar gyda Eurig Salisbury a Hywel Griffiths,

Waterstones, Aberystwyth, 24 Mehefin 2015, 18:00 – 19.30, Mynediad am ddim. // Croeso i bawb.

Mewn darlleniad arbennig yn siop lyfrau Waterstones, fe fydd y beirdd o India, Meena Kandasamy a Mamta Sagar yn ymuno a’r beirdd o Gymru, Eurig Salisbury a Hywel Griffiths. Trefnir y noson gyda Poetry Wales.

Seminar: Barddoniaeth, Gwleidyddiaeth, a Chyfieithu Diwyllianol,

Canolfan Ymchwil Cyfieithu Diwylliannol 25 Mehefin 2015, 14:00 – 16:00, Mynediad am ddim. // Croeso i bawb.

Fe fydd Dr Meena Kandasamy yn trafod ‘Translation and the taboo of sex in the case of the Thirukkural’, testun Tamil o’r 3edd ganrif CC a Dr Mamta Sagar yn trafod ‘Translating poetry and politics beyond linguistic spaces’.

Cefnogir y digwyddiadau gan Gelfyddydau Rhyngwladol Cymru, Llenyddiaeth Ar Draws Ffiniau a Poetry Wales.

Mae’r Ganolfan Ymchwil Cyfieithu Diwylliannol yn rhan o Athrofa Llenyddiaeth, Ieithoedd a'r Celfyddydau Creadigol (ALlICC), sy’n cynnwys yr adrannau academaidd canlynol: yr Ysgol Gelf, Saesneg ac Ysgrifennu Creadigol, Ieithoedd Ewropeaidd, Astudiaethau Theatr, Ffilm a Theledu, Astudiaethau Cymraeg a Cheltaidd.

Am fwy o wybodaeth am y digwyddiadau ewch i wefan Llenyddiaeth Ar Draws Ffiniau.