Mae Cymdeithas Ysgrifenwyr Slofenia wedi cyhoeddi galwad agored ar gyfer Rhaglen Preswyliadau 2016.

Mae’r rhaglen breswyliadau yn agored i awduron sydd wedi cyhoeddi o leiaf dwy gyfrol, yn ogystal â chyfieithwyr llenyddol sydd wedi cwblhau ei hyfforddiant a chyhoeddi o leiaf dau gyfieithiad llenyddol. Dim ond cyfieithwyr sy’n cyfieithu llenyddiaeth Slofenia i iaith dramor sy’n gymwys ar gyfer y rhaglen.

Mae Cymdeithas Ysgrifenwyr Slofenia yn gwahodd uchafswm o 20 awdur bob blwyddyn i weithio am rhwng 1-4 wythnos mewn fflat stiwdio yn Ljubljana. Mae’r fflat ail lawr wedi ei lleoli yn ardal Šiška, ac yn cynnwys gwely dwbl, cegin ac ystafell ymolchi.

Darparir ffon sefydlog yn ogystal â chyswllt gwe drwy gydol y preswyliad. Noder mai’r preswylydd fydd yn gyfrifol am gostau byw a theithio yn cynnwys yswiriant yn ystod y preswyliad.

I wneud cais, dylid darparu’r canlynol:

• CV byr, yn cynnwys rhestr fanwl o gyhoeddiadau a chyfieithiadau;
• Cynnig prosiect (dim mwy nag un dudalen A4);

Dylid anfon eich cais drwy’r post neu drwy e-bost cyn 30.10.2015 i:

Društvo slovenskih pisateljev (Slovene Writers’ Association)
Tomšičeva 12
1000 Ljubljana
Cyfeiriad e-bost: dsp@drustvo-dsp.si

Dylid nodi ‘Artist in Residence in Ljubljana/Slovenia 2016’ yn glir ar y cais.

Ystyrir bob cais cyflawn. Cyhoeddir y dyfarniad erbyn 1 Rhagfyr 2015.

Os oes gennych unrhyw gwestiynau, cysylltwch gyda Agata Šimenc: dsp@drustvo-dsp.si