Cyfieithiad o waith Dylan Thomas yw’r ychwanegiad diweddaraf at ein llyfrgell cyfieithiadau yma yn Aberystwyth. Newydd ei gyhoeddi mewn Macedoneg mae’r casgliad o straeon byrion Portrait of the Artist as a Young Dog. Cyfieithwyd y deg stori gan Kosta Bojcheski ac mae’r llyfr, sy’n gyhoeddiad gan wasg Ars Lamina ym Macedonia, yn rhan o gyfres o glasuron modern. Cyhoeddwyd y gyfrol gyda chymorth gan Gyfnewidfa Lên Cymru.

Cyhoeddiad diweddar arall yw’r cyfieithiad Hebraeg o ddrama radio Dylan Thomas, Dan y Wenallt, a gyfieithwyd gan Eran Tzelgov ac a gyhoeddwyd gan Schocken Books.