'Gwae'r sawl sy’n credu nad yw gwyrthiau'n gallu digwydd ac mai straeon hud a lledrith ydyn nhw i gyd. Beth yw'r gwahaniaeth, beth bynnag? I mi, os yw stori'n bod, mae'n wir. Ac os yw rhywun yn credu rhywbeth o fewn muriau stori, yna pam ddim ei gredu o fewn muriau bywyd?' Bydd y nofel hon yn mynd â chi ar daith anturus wrth i Muriel geisio dod o hyd i atebion. Ond mae rhaid iddi wynebu ei phryderon a'i hofnau mwyaf yn gyntaf, ac i wneud hynny, mae'n rhaid iddi dorri'n rhydd oddi wrth y gweoedd hynny sy'n ei chlymu'n saff.