Adolygiadau

'Dyma fardd cyffrous newydd sy'n gwybod sut i leisio mewn cywair perffaith – weithiau cawn reiat o gerddi rhaeadrog, dro arall llynnoedd llonydd rhithiol – gan adael y darllenydd i oedi yn naws y cerddi. O, ac mae rhai cerddi wedi eu hoelio yn fy nghof – daw y rhain nid yn unig o'r galon ond o'r ymysgaroedd.'

Menna Elfyn

'Dyma gyfrol gain a myfyriol, sydd eto'n ysgytwol, wrth iddi ymdrin ag amryw themâu pwysig megis hunaniaeth, ffeministiaeth, rhywedd a pherthyn. A ninnau'n byw mewn oes lle mae trafodaethau am hawliau merched a chydraddoldeb yn fwy perthnasol nag erioed, mae'r freuddwyd hon o gyfrol yn cynnig cân sensitif ond cadarn a ddylai gael ei chlywed yn eang.'

Gareth Evans-Jones

'Mae'n amhosib peidio ag edmygu gwreiddioldeb llais a dychymyg eithriadol Nia wrth brofi'r cerddi hyn. Llyncais Yn y Freuddwyd mewn un eisteddiad â'm calon yn curo – yn wir, fel petawn i wedi cael fy lapio mewn breuddwydion lliwgar, neu wedi camu i fyd arall ac yn ôl.'

Megan Hunter