Cerdyn post o Tseina

Francesca Rhydderch yn anfon gair o Tseina lle bu'n cymryd rhan yng ngŵyl Bookworm, Beijing ac yna'n ymweld â swyddfeydd Shanghai Translation Publishing House yn Shanghai.

Cerdyn post o'r Salon du Livre

Ar fy ffordd i gyfarfod cyhoeddwr o Cairo sydd wedi bod yn darllen The Last Hundred Days gan Patrick McGuinness yr oeddwn yn yn y Salon du Livre bore ma pan sylwais ar y cyfieithiad Ffrangeg o The Claude Glass gan Tom Bullough yn sefyll yn dalog ymysg cynigion Calmann-Lévy. Pa rai eraill o'n hawduron sydd ar werth yn y Salon du Livre? Cewch gip yn ein galeri.

Tynais lun hefyd o lyfrau Lee Seung-U wrth basio stondin un o'n hoff gyhoeddwyr yn y Gyfnewidfa, sef Zulma. Dyma gyhoeddwr y cyfieithiadau Ffrangeg o'i waith. Dyma restr gyhoeddi gwirioneddol ryngwladol, ac mae'r gofal arbennig maent yn ei roi i bob un o'u llyfrau, a hefyd i'r diwyg, yn gysur. Deuthum adref gyda La vie revée des plantes, ar ôl gwerthfawrogi y profiad anarferol o ddarganfod bywyd yn Korea wrth ddarllen Ici comme ailleurs. Ceir un cyfieithiad Saesneg o waith Seung-U gan wasg Peter Owen, sef The Reverse Side of Life.

Ceir mwy o wybodaeth yn ein hadran ddigwyddiadau am ein noson arbennig gyda Lee Seung-U a Francesca Rhydderch ar yr 11eg o Ebrill. Meddai Zulma am ei waith: "Majeur et unique dans la littérature coréenne contemporaine, sa voix est celle de l'intranquillité."

Sioned

Cerdyn post o Frwsel

Siân Melangell Dafydd sy'n anfon gair o Ffair Lyfrau Brwsel fis Chwefror 2014. Bu Siân yn cymryd rhan, ynghyd â Patrick McGuinness, yn rhaglen Prydain fel gwlad wadd yn y ffair eleni. Darllenwch fyfyrdodau Siân ar ei hymweliad yma: 'Mae teithio bob amser yn gwneud i mi feddwl am Lemminkäinen yn y Kalevala a'r modd mae ei fam yn gorfod casglu ynghyd yr holl ddarnau ohono a'u gweu'n ôl at ei gilydd.' Mwy am y digwyddiad yn ein hadran ddigwyddiadau.